aano uma combo offer

Description

ആനോ

1962 ഫെബ്രുവരിയിൽ വിശുദ്ധനഗരമായ വത്തിക്കാനിൽനിന്നും അസാധാരണ വലിപ്പമുള്ള അസ്ഥിക്കഷണങ്ങൾ കിട്ടി. ഇതിന്റെ രഹസ്യമറിയാൻ തൊണ്ണൂറുകളിൽ ഒരു അമേരിക്കൻ ചരിത്രകാരൻ എത്തി. അദ്ദേഹത്തിന്റെ മുന്നിലേക്ക് അതാ ഇറങ്ങിവരുന്നു, അഞ്ച് നൂറ്റാണ്ടു മുൻപ് ജീവിച്ചിരുന്ന ഒരു ആനക്കുട്ടിയുടെ വിസ്മയചരിത്രം. 1511 ഡിസംബറിൽ, കൊച്ചിയിൽനിന്ന് ലിസ്ബൻ വഴി റോമിലെത്തി, ലിയോ പത്താമൻ മാർപ്പാപ്പയുടെ ഓമനയായി മാറിയ ഒരു ‘വെളുത്ത’ ആൽബിനോ ആനക്കുട്ടിയുടെ കഥ. നവോത്ഥാനകാലമായിരുന്നു. അപ്പോഴേക്കും മലബാർ-കൊച്ചി തീരങ്ങളിൽനിന്ന് പലരും പോർച്ചുഗലിലും റോമിലും എത്തിക്കഴിഞ്ഞിരുന്നു. മലയാളിയുടെ ദീർഘദൂരപ്രവാസം ഇവിടെ ആരംഭിക്കുന്നു. റോമിലും ലിസ്ബനിലുംനിന്ന് ഒരു ആനയും പാപ്പാനും മലബാറിനെ നോക്കി കഥ പറയുന്ന അപൂർവമായ നോവൽ. ദീർഘഗവേഷണങ്ങളുടെ സഹായത്തോടെ ഉരുത്തിരിഞ്ഞ ബൃഹദ് ആഖ്യാനം. ഉദ്വേഗപൂർണമായ വായനയുടെ ഉത്സവം സമ്മാനിക്കുന്ന എഴുത്തുകാരനിൽനിന്ന് വേറിട്ട ഒരു പുസ്തകം.

ഉമ

സമൂഹത്തോടും എനിക്ക് എന്നോടും തന്നെ ചോദിക്കാനുള്ള ചില ചോദ്യങ്ങൾ!!! ഉത്തരങ്ങൾ തേടേണ്ടത് വായനക്കാരാണ്. ചോദ്യങ്ങളൾക്ക്, ഉത്തരങ്ങളേക്കാൾ പ്രാധാന്യം അർഹിക്കുന്നുണ്ട് എന്നാണ് എന്റെ ഒരു നിലപാട്. ആ നിലപാടിനോട് പരമാവധി നീതിപുലർത്താൻ ഇതിലൂടെ ശ്രമിക്കുന്നുണ്ട്. ഇതിലെ ചോദ്യങ്ങൾ വെറും തുടക്കം മാത്രമാണ്. നിങ്ങൾ ഓരോരുത്തരും ഇനിയും ഇനിയും ചോദ്യങ്ങൾ ചോദിച്ചുതുടങ്ങാൻ വേണ്ടിയുള്ള ഒരു പ്രചോദനം മാത്രമായിട്ടാണ് ഇതിനെ സമീപിക്കുന്നതും.